Dionne Stax
Dionne Stax (Boxmeer, 22 april 1985) is in Nederlânsk sjoernaliste en nijslêzeresse.
| Dionne Stax | ||
 tillefyzje- en/of radiopersoanlikheid
| ||
| ||
| Dionne Stax by it Festival fan de Sjoernalistyk 2017 | ||
| persoanlike bysûnderheden | ||
| echte namme | Dionne Stax | |
| nasjonaliteit |  Nederlânsk
| |
| berne | 22 april 1985 | |
| berteplak | Boxmeer (Noard-Brabân) | |
| etnisiteit | Nederlânsk
| |
| wurkpaad | ||
| wurksum as | sjoernaliste, nijslêzeresse | |
| medium | tillefyzje | |
| wurksum by | NOS | |
| bekend fan | NOS Sjoernaal | |
| jierren aktyf | 2007 – no | |
| offisjele webside | ||
| Dionne Stax op Twitter | ||
Karriêre
bewurkje seksjeStax sette har tillefyzjekarriêre yn 2007 as stazjêre útein by NOS Headlines, de foarrinder fan NOS op 3. Dêr fersoarge hja wykoersichten foar it digitale temakanaal NOS Sjoernaal 24. Nei't se in twadde staazje rûn hie op 'e binnenlânredaksje fan 'e NOS, studearre Stax yn 2009 ôf oan 'e Universiteit fan Amsterdam.
Sûnt febrewaris 2012 is Dionne Stax op 'e lanlike tillefyzje ien fan 'e presintators fan it nijsbulletên fan NOS op 3. Dêrnjonken wurket hja as binnenlânmeiwurker op 'e nijsredaksje fan 'e NOS. Yn 2013 waard se ien fan 'e fêste nijslêzers fan it NOS Sjoernaal, wêrby't se yn 'e regel moarns of middeis te sjen is. Yn dy funksje hat se Annechien Steenhuizen ferfongen, dy't trochskode nei de jûnsútstjoerings fan it sjoernaal. Fan maaie 2015 ôf presintearre Dionne Stax ek de jûnbulletins. Op 5 desimber 2015 presintearre se har earste achtoeresjoernaal.
Stax hie ek tsjinst yn de tiid fan de oanslaggen yn Parys op de redaksje fan Charlie Hebdo en letter ûnder de gizelingen. Se presintearre doe ekstra sjoernaals. Fan 2015 docht Stax de ferkiezingsútslaggen as opfolger fan Herman van der Zandt.
Op 27 april 2016, Keningsdei, yn Swol wie Stax de earste sjoernalist dy't de prinsessen Amalia, Alexia en Ariane ynterviewe mocht, nei't se yn itselde fraachpetear de âlden fan de prinsessen befrege hie. Sûnt 2017 presintearret hja by Omroep MAX it programma Van onschatbare waarde en foar de NTR makke se de dokumintêrerige Lady Di & Dionne oer it libben fan Lady Diana.
Op 23 augustus 2019 presintearre se de lêste kear itfoar it lêst NOS Sjoernaal. Yn oktober 2019 stapte se oer nei de AVROTROS om fan jannewaris 2020 ôf oan it Radio 1-programma Stax&Toine te presintearjen tegearre mei Toine van Peperstraten. Yn oktober 2019 presintearre Stax tegearre mei Rik van de Westelaken it Gouden Televizier-Ring Gala. Sûnt jannewaris 2020 bringt Stax it programma DNA Onbekend, nei't Caroline Tensen oergie nei RTL 4.
Telefyzje
bewurkje seksje| Jier | Telefyzjeprogramma | Opmerking |
|---|---|---|
| 2015 | Sail 2015 | Presintator |
| 2016 | Villa Nostalgia | Presintator |
| 2016 | Heel Nederland Slaapt | Presintator |
| 2016 | Gouden Televizier-Ring Gala | Utrikker fan de Gouden Televizierring |
| 2017 | Nasjonaal Oftelmomint 2017 (op Aldjiersjûn) | Presintator |
| 2017 | Jieroersjoch 2017 | Presintator |
| 2017 | Presintaasje Kabinet 2017 | Presintator |
| 2017 | Operatie Live | Presintator |
| 2017 | Eerste Hulp Bij Ongevallen | Presintator |
| 2017 | Lady Di & Dionne | Presintator |
| 2018 | Ferkiezingen NPO | Presintator |
| 2018 | 5 jier Kening Willem-Alexander | Presintator |
| 2018 | Van onschatbare waarde | Presintator |
| 2018 | Ferslachjouwing Keningsdei | Presintator |
| 2019 | Gouden Televizier-Ring Gala | Presintator |
| 2019 | Nasjonaal Oftelmoment 2020 | Presintator |
| 2019 | DNA Onbekend | Presintator |
| Boarnen, noaten en/as referinsjes: |