Nederlandse Spoorwegen
Nederlandse Spoorwegen N.V. (ôfkoarting NS, Frysk: Nederlânske Spoarwegen) is sûnt 1938 it nasjonale spoardykbedriuw fan Nederlân. Net de NS mar ProRail stiet noed foar it ûnderhâld oan de spoardiken.
| Nederlandse Spoorwegen | ||
| ||
| ||
| ICNG te Rotterdam | ||
| Algemiene Ynformaasje | ||
| Lân |  Nederlânsk
| |
| Haadfêstiging | Utert | |
| Kaaifiguren | Wouter Koolmees (presedint-direkteur) | |
| Aktyf fan | 1938 | |
| Webside | ns.nl | |
| Bedriuwsstruktuer | ||
| Oandielhâlder(s) | Steat fan de Nederlannen (100%) | |
| dochterûndernimming(en) | Abellio (100%) Intercity direct (100%) NS International (100%) | |
| Behear | ||
| Trajekten | Nederlânsk Haadspoarnet en in tal desintralisearre treinspoaren. | |
| Trajektlingte | 2809 km | |
Skiednis
bewurkje seksjeTroch de beheinings fan de Earste Wrâldkriich moasten de spoardykbedriuwen HSM en Maatschappij tot Exploitatie van Staatsspoorwegen (SS) wol gearwurkje, dat diene se yn in belangemaatskip. De spoartsjinsten diene se sûnt dy tiid tegearre, mar bleauwen fierder ûnôfhinklik. Yn 1938 waard dat oars, de HSM en SS fusearren folslein en de NS waard oprjochte. Op 19 febrewaris 1993 wie in mearderheid fan de Twadde Keamer foar mear selsstannigens fan it spoardykbedriuw. De steatssubzydzje fan om de 450 miljoen gûne waard oant en mei it jier 2000 betelle. Yn 1994 wie it foar de NS al mooglik om sels de priis fan de treinkaartsjes te bepalen, ien jier foardat se selsstannich waarden. De selsstannigens betsjut net dat se hielendal los fan de steat wurkje, de oerheid bemuoit him sûnt 1995 wol minder mei it riden en farren fan de NS. Neffens rjochtlinen fan de Jeropeeske Uny mei it treinferkear en ûnderhâld fan spoaren net troch ien organisaasje regele wurde, ProRail docht sûnt 1995 it ûnderhâld oan de spoardiken.